ફ્લાવરના ઉપરના ફૂલના મોટા કટકા કરવા. બટાકાને3 છોલી ગોળ પૈતાં કરી, પાણીમાં થોડી વાર પલાળી રાખવાં. એક વાસણમાં તેલ મૂકી, તેમાં વાટેલું આદું અને વાટેલું લસણ નાંખવું. શેકવું. પછી તેમાં ફ્લાવર અને બટાકા નાંખી, અધકચરા બફાય એટલે ઉતારી લેવું. તેમાં મીઠું, હળદર, રાઈનો ભૂકો, જીરું-લવિંગ-તજ-મરી અને એલચીનો ભૂકો નાંખી, હલાવી ઠંડું પાડવું.

એક વાસણમાં સરકો લઈ, તેમાં ગોળ નાંખી, ચાસણી થાય એટલે બટાકાનાં પૈતાં અને ફ્લાવર નાંખવા. થોડીવાર તાપ ઉપર રાખી બરાબર હલાવી ઉતારી લેવું. ઠંડુ પડે એટલે અથાણું બરણીમાં ભરી લેવું. ઢાંકણ અેરટાઈટ રાખવું.

આ અથાણું લાંબા સમય સુધી સારુ રહી શકે છે.