ટામેટાંને પાણીમાં બાફી, કિચન માસ્ટરમાં ગાળી સૂપ તૈયાર કરવો. એક તપેલીમાં તેલ મૂકી, ગરમ થાય એટલે જીરું, હિંગનો વઘાર કરી, ટામેટાંનો સૂપ વઘારવો. ઉકળે એટલે તેમાં ચણાના લોટમાં મીઠું, મરચું, હળદર અને તેલનું મોણ નાંખી, કણક બાંધી, સેવના સંચાથી ઉકળતા સૂપમાં ચણાની સેવ પાડવી. સેવ બફાય અને ઉંચી અાવે એટલે તેમાં મીઠું, ગોળ અને વાટેલો મસાલો નાંખવો. જાડું રસાદાર થાય એટલે ઉતારી લેવું. પીરસતી વખતે તળેલા પાપડનો ભૂકો, કોપરાનું ખમણ અને લીલા ધાણા નાંખવા.