લીલા વટાણા, પાપડીના લીલવા, બારીક સમારેલી ચોળાસિંગ, સમારેલી ફણસી, ગાજરને છોલી, વચ્ચેનો સફેદ ભાગ કાઢી, તેના કટકા બધું વરાળથી બાફી લેવું. બટાકાને બાફી, છોલી તેના કટકા કરવા.દહીંના મસ્કામાં મીઠું, ખાંડ અને જીરુંનો ભૂકો નાંખી, હલાવી, તૈયાર કરવું. ખજૂર-આબલીની અને લીલા લસણની ચટણી બનાવવી.

એક તપેલીમાં તેલ મૂકી, રાઈ-હિંગનો વઘાર કરી ડુંગળીને સમારીને નાંખવી. બદામી રંગ થાય એટલે વાટેલો મસાલો સાંતળવો. તેમાં બધાં બાફેલાં શાક, મીઠું, હળદર, ખાંડ નાંખી થોડી વાર હલાવી ઉતારી લેવું. પછી લીંબુનો રસ અને થોડા લીલા ધાણા નાંખવા. પીરસતી વખતે બાઉલમાં કાઢી, તેના ઉપર કોપરાનું ખમણ અને લીલા ધાણા ભભરાવવા. ઉપર 1 ચમચો દહીંનો મસ્કો નાંખવો. તેના ઉપર 1 ચમચી ખજૂર-આબલીની ચટણી અને 1 ચમચી લીલી ચટણી નાંખવી.